Bekker Charlotte Barbara

'n Gewapende bende het die egpaar in hul gekeurde plaashuis oorval.Tydens 'n worsteling is Martiens na buite gedwing en daarna terug in die huis ingesleep. Sy liggaam is met verskeie steekwonde op die slaapkamervloer gevind.Charlotte, 'n afgetrede skoolonderwyseres, is aan 'n stoel vasgebind en ook wreed met 'n skerp voorwerp doodgesteek.Die aanvallers het die huis geplunder en onder meer met vuurwapens, ammunisie, selfone en die egpaar se motor gevlug. Die aanvallers het omstreeks 05:15 die Saterdagoggend die egpaar se gesteelde voertuig op die R42-pad naby Vereeniging gerol.'n Inleepdiens het die voertuig gevind en die egpaar se seun gekontak.Hy het omstreeks 05:30 by sy ouers se plaas opstal aangekom, waar hy op die liggame van sy ouers afgekom het. Danksy vinnige polisie-optrede is twee verdagtes reeds die daaropvolgende naweek in hegtenis geneem:Solomon Dlamini (toe 31) en Petrus Motloung (toe 31) het kort daarna in die Heidelberg-landdroshof verskyn op aanklagte van moord en roof met verswarende omstandighede.Die polisie het destyds ook na 'n derde voortvlugtige verdagte gesoek.