De Bruyn Deon

Omstreeks 02:30 die oggend het 'n gewapende bende van minstens drie mans toegang tot die huis verkry. Sy vrou, Minnie de Bruyn (toe 50), het wakker geword van voetstappe net voordat die aanvallers die slaapkamerlig aangeskakel het. Een van die rowers was met 'n geweer gewapen en 'n ander met 'n hamer. Terwyl 'n derde aanvaller na hul 14-jarige dogter Mindie se kamer is, het Minnie haar man wakker geskree. Toe Deon probeer opstaan om sy gesin te beskerm, is hy met die hamer in die sy geslaan en in die bors en regterhand geskiet. Hy het tot by die slaapkamerdeur gestruikel, waar hy inmekaar gesak en aan sy beserings beswyk het. Die tienerdogter is na die sitkamer gedwing en vasgebind. Terwyl sy vasgebind was, is haar ma, Minnie, herhaaldelik deur die rowers aangerand en gedwing om waardevolle items te oorhandig.