Barkhuizen Sylvia

Sylvia Barkhuizen, 'n 72-jarige vrou wat saam met haar seun, André Barkhuizen, op die plaas geboer het. Mev. Barkhuizen het die middag verskeie plaaswerkers dorp toe geneem om inkopies te doen. Kort nadat sy en 'n 10-jarige familielid meisie (wat by haar gekuier het) met die bakkie by die huis teruggekeer het, is hulle oorval.Die aanvaller het mev. Barkhuizen na die agterkant van die bakkie gesleep en haar twee keer geskiet — in die kop en die maag. Sy is binne sekondes op die toneel oorlede. Daar is vasgestel dat sy geskiet is met haar seun se eie vuurwapen, wat vroeër daardie dag tydens 'n inbraak uit sy huis gesteel is. Die moordenaar het die geskokte 10-jarige meisie gegryp en haar bo-op mev. Barkhuizen se liggaam gegooi terwyl hy haar sakke deursoek het. Die dogtertjie het die aanvaller gesmeek: "Asseblief moenie my skiet nie. Vat my selfoon," waarna sy haar pa in Brits gebel het vir hulp terwyl sy moes wegkruip. Die polisie het kort ná die aanval die 26-jarige Ephriam Kheswa in hegtenis geneem. Kheswa was geen vreemdeling nie; hy het ses jaar lank as plaaswerker op Kruisement vir die familie gewerk. Die 10-jarige dogtertjie kon hom tydens haar getuienis in die rondgaande hof op Secunda formeel op sy naam identifiseer. Tydens sy verhoor in Maart 2007 het Kheswa onskuldig gepleit op aanklagte van moord en roof met verswarende omstandighede. Hy het in die hof beweer dat hy "nie aspris geskiet het nie", maar die getuienis het gewys hoe hy mev. Barkhuizen "soos 'n tier" bespring en koelbloedig doodgeskiet het.