Brink Helgard

Helgard Brink (46) en sy vrou Salomie (49), wat reeds nege jaar lank op die erf gewoon het. Die amptelike lys van landelike moorde plaas hul sterfdatum as 7 Julie 2005, hoewel hul liggame eers die Sondagmiddag, 10 Julie 2005, gevind is nadat hulle vermoedelik die voorafgaande Vrydag- of Saterdagnag oorval is. Die egpaar is met 'n stomp voorwerp doodgeslaan ("bludgeoned to death"). Mnr. Brink het 'n groot wond aan sy voorkop gehad en is in die sitkamer gevind, terwyl sy vrou se liggaam in haar nagklere in die hoofslaapkamer gekry is. 'n Vriend het die Sondagmiddag onraad gemerk toe hy hulle wou besoek en niemand oopmaak nie. Hy het oor die heining gespring en gesien dat huishoudelike items en 'n tekkie buite die huis rondgestrooi lê. Die polisie is daarna ontbied. Hoewel die binnekant van die huis in totale chaos gelaat is, is die egpaar se bakkie en motor nie gesteel nie, en dit het aanvanklik gelyk of niks vermis word nie.