Myburgh Annetjie

Age 58. : Myburgh was omstreeks 07:00 op pad na haar werk toe sy by die hek van haar en haar man se kleinhoewe in die Curlews-omgewing (naby Rocky Drift) oorval is. Die aanvallers het haar oorrompel en saam met haar in haar Mitsubishi Pajero weggejaag. Tydens 'n grootskaalse soektog deur die polisie en honderde gemeenskapsvrywilligers is haar brille en twee panga's naby die hek gevind. Na 'n soektog van drie dae is haar liggaam op 19 Junie 2016 in die bosse naby die Numbis-hek van die Nasionale Krugerwildtuin gevind. Haar motor is verlate in Kabokweni gevind. : Hoewel vroeëre mediese vermoedens aangedui het dat sy weens die uiterste angs en trauma 'n hartaanval gehad het, het die staatspatoloog se getuienis in die hof bewys dat sy aangerand en verwurg is. In Augustus 2019 is die twee aanvallers, Selby John Mabila (destyds 26) en Paul Mathebula (destyds 32), in die hooggeregshof in Mbombela gevonnis:Lewenslange gevangenisstraf elk vir moord.'n Verdere 15 jaar elk vir roof met verswarende omstandighede.'n Verdere 8 jaar elk vir ontvoering.