Van der Merwe Schalk

Age 67. 'n Groep aanvallers, bestaande uit drie mans en twee vroue, het die plaas besoek onder die voorwendsel dat hulle ses skape by die egpaar wou koop. Terwyl hulle besig was om die skape in die kraal vas te bind, is mnr. Van der Merwe en sy vrou, Lettie (66), skielik oorrompel. Schalk van der Merwe is in die skaapkraal vasgebind en met 'n skerp voorwerp vermoor. Die twee vroulike aanvallers het mev. Van der Merwe na die plaashuis gedwing, haar met 'n vuurwapen aangehou en haar ernstig aangerand om die kluis se sleutels te bekom. Sy het die aanval in 'n kritieke toestand in die hospitaal oorleef. Die egpaar se 43-jarige seun het op die plaas aangekom, die verdagtes sien wegvlug, en sy beseerde ma in die huis en sy oorlede pa agter voerbakke in die kraal gevind.