Hugo Isabel

Age 67. (27 Augustus 2012): Isabel Hugo en haar dogter, Elsabé (27), was van hul plaas af op pad dorp toe. Op die R708-pad tussen Clocolan en Marquard het 'n onlustige en gewelddadige groep betogers klippe na verbygaande voertuie gegooi. Terwyl sy agter die stuur van haar bakkie gesit het, is sy met 'n groot klip teen die kop getref en ernstig beseer. (8 Julie 2013): Sy was vir maande bedlêend en is in 'n versorgingseenheid in Bloemfontein versorg. Byna 'n jaar ná die aanval het haar gesondheid weens komplikasies (orgaanversaking en longinfeksie) drasties agteruitgegaan, en sy is in die Universitas-hospitaal oorlede. Die vermeende klipgooier, Thabo Ntlororo, is destyds eers weens poging tot moord gearresteer. Ná haar afsterwe is die klag amptelik na moord verander. Haar dood word in amptelike registers vir landelike geweld as 'n moord gelys.